Ազգային ժողովի արտահերթ ընտրություններին մասնակցած «Վերելք» կուսակցությունը ոչ միայն մի շարք ընտրատեղամասերում վերահաշվարկի դիմումներ է ներկայացնելու, այլեւ առհասարակ բողոքարկելու է ընտրությունների արդյունքները։
Ինչպես Aravot.am-ին հայտնեց «Վերելք» կուսակցության լիազոր ներկայացուցիչ Արտակ Հարությունյանը, պատճառներից մեկն այն է, որ իրենց կուսակցության օգտին քվեարկված ձայները փոշիացվել են․ «Տեղեր կան, որոնցում քվեարկել են մեր օգտին, սակայն ձայները չեն արձանագրվել․ յոթ անգամ ավելի քիչ են մեր ձայներն արձանագրվել։ Այսինքն, եղել է մեր օգտին ընտրություն, սակայն չի արձանագրվել արդյունքներում։ Խախտումների դեպքեր կան, որոնք հետաքննությամբ պարզելու խնդիր են։ Հիմա ճիշտ չէ, որպեսզի ես դրա մասին բարձրաձայնեմ։ Կան իրավապահ մարմիններ, թող կատարեն ուսումնասիրություն եւ ի հայտ բերեն եղածը։ Մենք ուղղակի փաստ ենք արձանագրում, որ ամբողջությամբ վիճարկում ենք ընտրությունների արդյունքները։ Բացի այդ, 11/11 ընտրատարածքում ծեծկռտուք էր եղել: Հիմա իրավապահները համապատասխան գործընթաց են իրականացնում»։
Լուիզա ՍՈՒՔԻԱՍՅԱՆ
լու՞՞՞՞՞՞՞՞՞՞՞՞՞՞՞րջ եք ասում, ծիծաղելի է՜՜՜՜՜՜՜՜՜՜՜՜՜՜՜՜՜՜՜՜՜