«Պրոֆեսոր Չարչյանի առողջական վիճակը ծանր է»,-լրագրողների հետ զրույցում հայտարարեց ՀՀ ԱԺ «Հայաստան» խմբակցության պատգամավոր, ԱԺ փոխնախագահ Իշխան Սաղաթելյանը:
Նշենք՝ ՀՀ ԱԺ «Հայաստան» խմբակցության պատգամավորներն այցելել են Քանաքեռ-Զեյթուն հիվանդանոց՝ տեսակցելու պատգամավոր Արմեն Չարչյանին:
Լրագրողների դիտարկմանը՝ փաստաբանները հայտարարում են, որ Արմեն Չարչյանի առողջական վիճակի հետ անհամատեղելի է ընտրված խափանման միջոցը, նա արձագանքեց. «Սա այսօրվա քաղաքական իշխանության կողմից խոշտանգում է, քաղաքական պատվերով հետապնդում ոչ միայն պրոֆեսոր Չարչյանի, այլև մեր խմբակցության մյուս պատգամավորների ու նաև բազմաթիվ աջակիցների նկատմամբ: Մեր խմբակցության պատգամավորների 10 տոկոսն այսօր ձերբակալված է տարբեր կեղծ, շինծու մեղադրանքներով, այդ թվում նաև Սահմանադրության կոպիտ ու ակնհայտ ոտնահարմամբ: Սա է այսօրվա իշխանության դիմագիծը, ժողովրդավարական արժեքներից խոսող իշխանության կերպարը»:
Լրագրողների դիտարկմանը՝ Արմեն Չարչյանի հետ կատարվածի առիթով բժշկական հանրությունը միահամուռ կերպով հանդես չեկավ, Իշխան Սաղաթելյանն այսպես արձագանքեց. «Մարդիկ ունեն խնդիր, գիտեն՝ եթե կարծիք հայտնեն, ճնշումների են ենթարկվելու: Բազմաթիվ պրոֆեսորներ, մտավորականներ արտահայտել են իրենց կարծիքը, բայց, ընդհանուր առմամբ, մարդիկ կաշկանդված են, քանի որ գիտեն՝ ազատ խոսքի նկատմամբ այս իշխանությունն ինչ վերաբերմունք ունի»:
Կարդացեք նաև
Տաթև ՀԱՐՈՒԹՅՈՒՆՅԱՆ
