ԵԱՀԿ Մինսկի խմբի համանախագահներ Էնդրյու Շոֆերը (ԱՄՆ), Իգոր Խովաևը (Ռուսաստան) և Բրիս Ռոքֆոյը (Ֆրանսիա) հաղորդագրություն են տարածել Փարիզում Հայաստանի և Ադրբեջանի արտգործնախարարների հետ առանձին, հետո համատեղ հանդիպումներից հետո: Հանդիպումներին ներկա են եղել նաև Ֆրանսիայի արտգործնախարար Ժան-Իվ Լե Դղիանը և ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Հայտարարության մեջ նշվում է, որ համանախագահներն ու արտգործնախարարները շարունակել են Նյու Յորքում սկսված քննարկումները՝ իրավիճակը լիցքաթափելու մի շարք միջոցների և գործընթացում հետագա քայլերի վերաբերյալ, այդ թվում ապագայում հանդիպումներ նույն ձևաչափով, և համանախագահներն առաջարկել են այցելել տարածաշրջան: Համանախագահները նաև նախարարների հետ քննարկել են նոյեմբերի 9-ի եռակողմ համաձայնագրով ստանձնած պարտավորությունների իրականացման ընթացքը:
Համանախագահները վերահաստատել են մարդասիրական հարցերում առաջընթացի հասնելու կարևորությունը, այդ թվում կալանավորվածներ, ականազերծում, անհետ կորածներ, տեղահանվածների կամավոր վերադարձ և պատմամշակութային վայրերի պաշտանություն, և կոչ են արել կողմերին ապահովել անխոչընդոտ մուտք միջազգային մարդասիրական կազմակերպությունների համար:
Համանախագահները նաև ընդգծել են բորբոքող հռետորաբանությունից և սադրիչ գործողություններից զերծ մնալու անհրաժեշտությունը:
Կարդացեք նաև
Համանախագահները նոյեմբերի 10-ին և 11-ին հանդիպել են Ֆրանսիայի ԱԳՆ ներկայացուցիչների հետ՝ քննարկելու իրենց ընթացիկ ջանքերը՝ կողմերին օգնելու գտնել համապարփակ լուծում մնացած բոլոր հարցերին:
Պատրաստեց Վիկտորյա ԱՆԴՐԵԱՍՅԱՆԸ