Այսօր Գյումրու Ամենափրկիչ եկեղեցու բակում՝ Ֆրիդ Սողոյանի` երկրաշարժի զոհերին նվիրված հուշարձանի մոտ հոգեհանգստի կարգ մատուցելուց հետո Շիրակի թեմի առաջնորդ Միքայել արքեպիսկոպոս Աջապահյանը կարճ խոսք հնչեցրեց։
«Ողբամ մեռելոց, կոչեմ ապրողաց։ Ապրենք նաև իրենց փոխարեն, ապրենք իրե՛նց փոխարեն, ապրել չի նշանակում գոյատևել, ապրել նշանակում է լիարժեք ապրել՝ իբրև հայ, իբրեւ քրիստոնյա, իբրեւ քաղաքացի, իբրև հայրենասեր ու Աստվածասեր անձ։
Սա իրենք չկարողացան անել արհավիրքի պատճառով, իրենց փոխարեն մենք պիտի ապրենք, 33 տարի շարունակ ապրում ենք, Աստված մեզ տվեց այս հնարավորությունը, որ նրանց փոխարեն ապրենք։ Աստված թող մեզ ուժ, կարողություն տա, իրենց չարածն անելու»,-ասաց Սրբազանը։
Կարդացեք նաև
Նշենք, որ զոհերի հիշատակը հարգելու էին եկել Շիրակի մարզային ու քաղաքային իշխանությունների, Գյումրիում տեղակայված ռուսական ռազմաբազայի ներկայացուցիչներ, իսկ կառավարությունից՝ նորանշանակ փոխվարչապետ Համբարձում Մաթևոսյանը։
Gyumri 33 years after the earthquake
Gyumri 33 years after the earthquake
Նունե ԱՐԵՎՇԱՏՅԱՆ
