«Վանաձորի ՀՀԿ-ական ավագանու անդամ, ՀՀԿ-ով ավագանու անդամ դարձած Վահե Դոխոյանը այսօր վիրավորական արտահայտություններ է արել «Լուսավոր Հայաստան» կուսակցության հասցեին։
Ուզում եմ նախ ասել, որ Վահե Դոխոյանը այնքան անամոթ է, որ ինքն իր կուսակցությունից՝ ՀՀԿ-ից դուրս է եկել և անամոթաբար անդամագրվել է «Հայրենիք» կուսակցությանը։ Քիչ է մնում բեղ ու միրուք պահի, որ իրեն չճանաչեն և չհիշեն, որ ինքը հանրապետական է եղել, այ այդքան ամաչում է հանրապետական լինելուց։ Բայց այստեղ նաև ուրիշ խնդիր կա՝ այս հանրապետականը ժամանակին քվեարկելիս է եղել Վանաձոր քաղաքը թալանելու համար, և նրա քվեարկություններով են Վանաձորում տարատեսակ տարածքներ օտարվել ու կոպեկներով վաճառվել։ Նրա ներկայությամբ և մասնակցությամբ են Վանաձորի մանկապարտեզների տենդերների չարաշահումները եղել, որի արդյունքում Վանաձորի երեխաները վատ սնունդ են ստացել, նրա մասնակցությամբ են վերացվել քաղաքի կանաչ գոտիները և գազոնները, իրականացվել անորակ ասֆալտապատման աշխատանքները, և շատ ու շատ այլ Վանաձորի համար ցավալի հարցեր։
Կոչ եմ անում նախկին ՀՀԿ-ականին, ով ամաչում է իր անցյալից, հանդարտվել և չմոռանալ՝ ինքն ով է և ում մասին է խոսում»,-գրել է նախկին պատգամավոր Արմեն Եղիազարյանը:
«Լուսավոր Հայաստան» կուսակցություն
Կարդացեք նաև
