«Պարոն Մինասյան, ասում եք, որ երեկ կատարվածն անընդունելի է։ Բայց երբ այստեղ շշեր էին շպրտում, դրա մասին որեւէ մեկը չխոսեց։ Դա ընդունելի՞ էր»,-ԱԺ լիագումար նիստում այսօր դիմելով «Հայաստան» դաշինքից Արծվիկ Մինասյանին՝ ասաց ՔՊ-ական պատգամավոր Արփի Դավոյանը։
Հիշեցնենք՝ երեկ Նիկոլ Փաշինյանն ԱԺ ամբիոնից պնդել էր, որ իրեն «հող տվող» ասողներին ի պատասխան մատ թափ կտա, իսկ եթե պետք լինի՝ նաեւ «ուրիշ բան», ինչից հետո վեճ էր սկսվել, Հակոբ Արշակյանն էլ ձայնի իրավունքից զրկել էր ընդդիմադիր մի քանի պատգամավորների, ապա՝ դահլիճից դուրս հրավիրել։
«Երբ երեկ բարձր խոսակցություն եղավ, դա գցեց ԱԺ վարկանի՞շը․․․դրա համար չմասնակցեցիք նաեւ նախագահի ընտրությանը։ Ի դեպ, շատ լավ եղավ, որ չմասնակցեցիք։ Նիստը շատ լավ եւ արագ ընթացավ։ Մեզ ազատեցիք ձեր նմանաբովանդակ ելույթները հարյուր անգամ լսելուց»,-հավելեց Արփի Դավոյանը։
Նա նաեւ մի շարք հարցադրումներ հղեց Սեյրան Օհանյանին, թե ի՞նչ էր նա անում Շուշիի պաշտպանության ժամանակ, ինչո՞ւ չի թողել մարտունակ բանակ, ինչո՞ւ էին դիրքերը կահավորվում «կանսերվայի բանկաներով»։
Կարդացեք նաև
Լուիզա ՍՈՒՔԻԱՍՅԱՆ
