Լրահոս
Օրվա լրահոսը

ԱԺ-ում անդրադարձել են ՀՀ քրեական դատավարության օրենսգրքում առաջարկվող փոփոխություններին

Մարտ 23,2022 16:21 Share
Աջակցեք aravot.am-ին

Մարտի 23-ին ՀՀ արդարադատության նախարարի տեղակալ Արփինե Սարգսյանը խորհրդարանի քննարկմանն է ներկայացրել «ՀՀ քրեական դատավարության օրենսգրքում փոփոխություններ եւ լրացում կատարելու մասին» եւ «ՀՀ քրեական դատավարության օրենսգրքում փոփոխություն կատարելու մասին» օրենքների նախագծերի փաթեթը:

Մասնավորապես, առաջարկվել է խոշտանգման վերաբերյալ քրեական գործերով նախաքննության իրականացումը վերապահել ՀՀ քննչական կոմիտեի քննիչներին՝ ելնելով նմանատիպ գործերն անկախ մարմնի կողմից քննելու անհրաժեշտությունից:

ՀՀ քննչական կոմիտեում ինքնավար պաշտոն զբաղեցնող անձանց կատարած հանցագործությունների վերաբերյալ քրեական գործերով նախաքննության իրականացումն առաջարկվել է վերապահել ՀՀ ազգային անվտանգության մարմիններին՝ քննության օբյեկտիվությունն ապահովելու նկատառումով:

Ընտրական իրավունքի իրականացմանը, ընտրական հանձնաժողովների աշխատանքներին, ընտրությանը մասնակցող անձանց լիազորությունների իրականացմանը խոչընդոտելուն, ընտրությունների կամ քվեարկության արդյունքները կեղծելուն, կեղծ ընտրական քվեաթերթիկներ, քվեարկության ծրարներ, դրոշմանիշներ, կտրոններ պատրաստելուն կամ իրացնելուն վերաբերող հանցագործությունների քրեական գործերի նախաքննության իրականացումը եւս առաջարկվել է վերապահել ՀՀ քննչական կոմիտեին:

ՀՀ ԱԺ պետական-իրավական հարցերի մշտական հանձնաժողովի անդամ Արթուր Դավթյանը տեղեկացրել է, որ հանձնաժողովն օրենսդրական փաթեթին տվել է դրական եզրակացություն:

ԱԺ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: