Ադրբեջանն ու Ռուսաստանը գործակցում են հարցերի լայն շրջանակում, 2022թ. փետրվարին ստորագրված դաշնակցային գործակցության հռչակագիրը լիարժեք համապատասխանում է Բաքվի շահերին: Այս մասին հայտարարել է Ադրբեջանի նախագահ Իլհամ Ալիևը «Հարավային Կովկաս. զարգացում և գործակցություն» համաժողովում:
«Ադրբեջանի և Ռուսաստանի միջև դաշնակցային գործակցության մասին հռչակագիրն արտացոլում է մեր ռազմավարական շահերը, քանի որ Ռուսաստանը մեր հարևանն է, գործընկերը, որն ակտիվ մասնակցություն է ունեցել Ղարաբաղյան երկրորդ պատերազմն ավարտելու գործում, և ում խաղաղապահները գտնվում են Ղարաբաղում: Կան նաև այլ հարցեր, որոնց շուրջ մենք գործակցում ենք Ռուսաստանի հետ արդեն բազում տարիներ՝ տնտեսական, էներգետիկ, տրանսպորտային, մշակութային, մարդասիրական և այլն»,- ասել է Ալիևը:
Նա հավելել է, որ Բաքուն նաև գործակցում է Ռուսաստանի հետ ռազմական ոլորտում, մասնավորապես շուկայական գներով գնում է սպառազինություն և ռազմական նշանակության սարքավորումներ:
«Բացի այդ, մենք Ռուսաստանից գնում ենք բազմաթիվ ռազմական սարքավորումներ, իհարկե շուկայական գնով, ի տարբերություն Հայաստանի, որն այդ սպառազինությունը ստանում է անվճար: Պաշտոնապես նրանք վարկ են ձևակերպել, բայց այդ վարկն այդպես էլ չի վճարվել»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
