ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովն այսօր դրական եզրակացություն տվեց «Խաղաղ նպատակներով տիեզերական տարածության հետազոտման եւ օգտագործման ոլորտում համագործակցության մասին Անկախ պետությունների համագործակցության» կոնվենցիան վավերացնելու մասին օրենքի նախագծին:
Ինչպես զեկուցեց ՀՀ բարձր տեխնոլոգիական արդյունաբերության նախարարի տեղակալ Ավետ Պողոսյանը, կոնվենցիայի նպատակն է՝ զարգացնել համագործակցությունը խաղաղ նպատակներով տիեզերական տարածության հետագա հետազոտման եւ օգտագործման բնագավառում, ինչպես նաեւ տիեզերական տեխնիկայի եւ տիեզերական տեխնոլոգիաների կիրառումը՝ ի շահ կոնվենցիայի կողմ հանդիսացող պետությունների ժողովուրդների:
Հանձնաժողովի նախագահ, ՔՊ խմբակցության պատգամավոր Սիսակ Գաբրիելյանը փոխնախարարից հարցրեց․ «Թեեւ հարցը օրակարգի հետ կապ չունի, բայց մեր արբանյակն արդեն տիեզերքում է։ Հասկանում եմ, որ շատ բան գաղտնիության տիրույթում է, բայց ի՞նչ կարող եք ասել»: Ավետ Պողոսյանը պատասխանեց․ «Նախանշված ժամկետներից ավելի արագ ժամկետներում ենք նախատեսում նպատակների իրականացումը։ Արբանյակը մինչեւ այս պահը 100%-ով բոլոր փորձարկումներն ու թեստավորումներն անցել են նորմալ։ Այսօր ստացել եմ հաշվետվությունը։ Կարելի է ասել՝ 90%-ով այն պատրաստ է շահագործման․ ավելի արագ, քան նախատեսում էինք»։
Կարդացեք նաև
Գաղտնիությունից ելնելով՝ փոխնախարարն այլ տվյալներ չասաց։
Լուիզա ՍՈՒՔԻԱՍՅԱՆ
Ինչ հարց տվողը, ինչ պատասխանողը…
Ինչ հարցը, ինչ պատասխանը…
Համատարած խեղճություն: «Գաղտնիությունն» էլ միակ փրկօղակն է: