Երևանի ավագանու անկախ անդամ Իզաբելլա Աբգարյանի ֆեյսբուքյան գրառումը
Ավագանու գործընկերս՝ Թեհմինա Վարդանյանը, ճիշտ հարցադրում է արել, թե ինչո՞ւ նոր վերանորոգված գետնանցումը չունի թեքահարթակ:
Նախկինում ուներ:
Ինձ նաև այլ հարց է հետաքրքրում:
Կարդացեք նաև
Տեղեկացա, որ այդ տարածքը մասնավորին է տրվելու կառավարման՝ պայմանով, որ վերելակներ կառուցեն մատչելիությունն ապահովելու համար:
Ի՞նչ է ստացվում: Երևանցիների գրպանից 50 մլն ենք ծախսել, նորոգել, որ հրապուրի՞չ լինի մասնավորի համար:
Միևնույն ժամանակ մեր իսկ ձեռքով հաշմանդամներին, մանկասայլակով մայրիկներին զրկել ենք գետնանցումից օգտվելու հնարավորությունից մինչև վարձակալեն, վերելակ կառուցեն:
Սա նորմա՞լ է:
Ի դեպ, քաղաքացուց ահազանգ ունեմ (համարն ու հասցեն չեմ տա, ուզում է կախեք), որ ջրամեկուսացումը լավ չի արվել, առաստաղը կաթում էր, դրա համար են ծածկել կախովի առաստաղով:
Տեսանյութը ՝ մեկնաբանություններում:
Սա ճի՞շտ է: Ուշադրություն, հարց է, ոչ թե հայտարարություն, որ հետո ձեր նյութերում չաղավաղեք, ոնց Լամբադա կամրջի դեպքում էր:
