«Ապրելու Երկիր» կուսակցության նախագահ Մանե Թանդիլյանի ֆեյսբուքյան գրառումը
Փետրվարի 19-ը Գիրք նվիրելու օր է՝ ամենագեղեցիկ և ամենախորհրդանշական տոներից մեկը, ու պատահական չէ, որ այն նշվում է Ամենայն հայոց բանաստեղծ Հովհաննես Թումանյանի ծննդյան օրը։
Ես պարտական եմ գրքերին, որովհետև դրանց շնորհիվ են ձևավորվել իմ աշխարհայացքը, իմ ինքնաճանաչողությունն ու ինքնուրույնությունը։
Գրքերի հանդեպ մեծ սիրո համար ես հայրիկիս եմ պարտական, որովհետև յուրաքանչյուր հարցիս ի պատասխան՝ նա միշտ որևէ նոր գիրք էր խորհուրդ տալիս կարդալ՝ ասելով, որ այդկերպ ես կունենամ իմ սեփական կարծիքն ու դատողությունները։ Եվ նա չէր սխալվում։
Այդպես էլ մենք ենք պարտավոր մեր երեխաների մեջ սերմանել ու ամենօրյա աշխատանքով մեծացնել այդ սերն առ գրքեր, գրականություն և կրթություն։
Կարդացեք նաև
Գիրք կարդալը լավագույն սովորությունն է, որ մենք կարող ենք և պետք է զարգացնենք մեր հասարակության մեջ։
