Այսօրվանից սկսում ենք քաղաքական կոնսուլտացիաներ, խնդրելու եմ գործող նախագահին, որպեսզի սկսի կոնսուլտացիաներ։ Այս մասին այսօր Արցախի Վերածննդի հրապարակում Սամվել Բաբայանի «Միասնական հայրենիք» կուսակցության կազմակերպած «Ժողովուրդն է իր ճակատագրի իրավատերը» հրավիրված հանրահավաքում ասաց ԱՀ ԱԺ նախագահ Արթուր Թովմասյանը։
Իր ելույթի սկզբում նա ասաց, որ երեւի միակն մարդն է Արցախում, որ երբ հանրահավաքին հրավիրում են՝ գնում է, եթե խոսք են տալիս, ելույթ է ունենում։
Հանրահավաքում, հիշեցնենք, պահանջ է ներկայացվել Սամվել Բաբայանին նշանակել Արցախի պետնախարար։ Արթուր Թովմասյանը միջնորդական առաքելություն է ստանձնել հանրահավաքի մասնակիցների եւ ԱՀ նախագահի միջեւ՝ քաղաքական խորհրդակցություններ սկսելու Սամվել Բաբայանին ԱՀ պետական նախարարի պաշտոնում նշանակելու պահանջի վերաբերյալ։
Թովմասյանն ասաց, որ ծանոթ է Սամվել Բաբայանի ճանապարհային քարտեզին, մյուս կողմի ճանապարհային քարտեզին էլ է ծանոթ, թե որն է իրատեսական՝ կպարզեն քննարկումների ժամանակ։
Կարդացեք նաև
«Ժողովուրդ, ոչ ոք ձեզ չի ասում, թե ինչ է ասել Շառլ Միշելն Ալիեւին եւ Փաշինյանին։ Ալիեւի եւ Փաշինյանի հետ խոսել է նախկին Լեռնային Ղարաբաղի ինքնավար մարզի մասին, նրա ժողովրդի մասին, անվտանգության իրավունքի մասին, ոչ թե ինքնորոշման իրավունքի մասին։ Դա Շառլ Միշելը չէ, դա արեւմուտքի հավաքական կարծիքն է, դա ԱՄՆ, Ֆրանսիան է, որոնք երկուսն էլ ԵԱՀԿ Մինսկի խմբի համանախագահներ են։ Իսկ Արցախի հիմնախնդրի լուծման բանալին տրված է ԵԱՀԿ Մինսկի խմբի համանախագահող երկրներին։ ՌԴ-ի կարծիքը նույնպես պարզ է»,-ասաց Թովմասյանը։
Որոշ ժամանակ անց Սամվել Բաբայանն առաջարկեց 30-45 րոպե էլ սպասել Արցախի նախագահի պատասխանին՝ խորհրդակցությունների վերաբերյալ․ «Այնուհետեւ մի մարդու նման, եթե ժողովուրդը կմնա տեղում, չի ցրվի եւ կցանկակա, որ խնդիրները լուծվեն, կփակենք բոլոր պետական դռները, որ ստիպենք պատասխանները տան։ Մենք խնդրել ենք, որ մեր հարցերի պատասխանները տան»։
Մանրամասները՝ տեսանյութում
Հիշեցնենք, որ երեկ Բրյուսելում Միշել-Փաշինյան-Ալիեւ եռակողմ հանդիպումից հետո Եվրոպական խորհրդի նախագահ Շառլ Միշելը հանդես է եկել https://www.aravot.am/2023/05/15/1341191/ հայտարարությամբ, ասելով՝ առաջնորդները վերահաստատել են իրենց աներկբա հավատարմությունը 1991 թվականի Ալմա-Աթայի հռչակագրին և Հայաստանի (29,800 քառակուսի կիլոմետր) եւ Ադրբեջանի (86,600 քառակուսի կիլոմետր) համապատասխան տարածքային ամբողջականությանը: Սահմանի վերջնական սահմանազատումը կհամաձայնեցվի բանակցությունների միջոցով։
Նելլի ԲԱԲԱՅԱՆ
