ԱՄՆ ներկայացուցիչների տան մի շարք անդամներ միացել են 108 բանաձևի առաջարկին, որում դատապարտվում է Ադրբեջանի կողմից Լաչինի միջանցքի շրջափակումը:
«Հաշվի առնելով Ադրբեջանի կողմից հրադադարի կրկնվող խախտումները և մարդու իրավունքների շարունակական, կոպտագույն խախտումները, ես շարունակում եմ խիստ անհանգստացած լինել հայ ժողովրդի հերթական ցեղասպանության սպառնալիքով։
Մենք պետք է ավելին անենք՝ աջակցելու Հայաստանի և Արցախի նորաստեղծ ժողովրդավարություններին՝ ավտոկրատ Ադրբեջանի կողմից իր ավտոկրատ գործընկեր Թուրքիայի լիակատար աջակցությամբ շարունակվող հարձակումներին դիմակայելու համար։ Հերթական ցեղասպանության սպառնալիքն իրական է, և ես կոչ եմ անում ձեզ անել հնարավոր ամեն բան՝ կանխելու հետագա և ապագա վայրագությունները և հովանավորելու այս բանաձևը»,- ասվում է բանաձևի տեքստում:
Առաջարկին միացել են Ներկայացուցիչների տան անդամներ Դան Քիլդին, Թոմ Քին Կրտսերը, Ջոն Բ. Լարսոնը, Բիլ Ֆոսթերը, Ադրիանո Էսպելատը, Նիկոլ Մալիոտակիսը, Նիկի Բուձինսկին, Ռաուլ Ռուիզը, Ջիմի Գոմեսը, Նորմա Տորեսը և մի շարք այլ անդամներ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
