«Հանրապետություն» կուսակցության նախագահ Արամ Սարգսյանի ֆեյսբուքյան գրառումը
Հետագա գործընթացների համար շատ կարևոր է ՄԱԿ դիտորդական խմբի Արցախ հասնելը: Ի՞նչ կարող են ամրագրել հիմա։
1) Իրողությունը թարմ է` ազերին չի հասցրել հետքերը մաքրել ու դիտորդական խումբը կամրագրի, որ պատերազմական գործընթացները լայնամասշտաբ են եղել՝ ներառել են գյուղերը և քաղաքները։ Ռազմական գործողությունների լայնամասշտաբ լինելը կարևոր արձանագրում է։
2) Արցախը դատարկվել է, բնակչություն չկա, որն էլ հիմնավորում է, որ Ադրբեջանը իր գործողություններով անհնարին է դարձրել սեփական տանը ազգությամբ հայի ապրելու հնարավորությունը։
Կարդացեք նաև
3) Եվ ամենակարևորը՝ այդքան մարդու 3-4 օրում հայրենիքը լքելը հնարավոր է միայն ցեղասպանության վտանգի դեպքում… Այս այցը և դիտորդական առաքելության արձանագրումները հիմնական գործիքն են դառնալու քաղաքական և իրավական հարթությունում Ադրբեջանին պատժելու և Արցախի խնդրին անդրադառնալու համար։
Ադրբեջանը հայտնվել է ցեղասպան երկիր ճանաչվելու վտանգի առաջ, ԱՄՆ-ն ու ԵՄ-ն միանշանակ օգտագործելու են այս գործիքը Ադրբեջանի ահաբեկչական ու առավելապաշտական քաղաքականությունը զսպելու նպատակով։
