Երևանում տեղի ունեցավ IT Intellectual Cup առաջնությունը։ Այն նպատակ ունի ինտելեկտուալ շփման միջավայր ձևավորել տարբեր ՏՏ ընկերությունների աշխատակիցների միջև։
Առաջնությունն անցկացվեց սպորտային «Ի՞նչ, որտե՞ղ, ե՞րբ» խաղի կանոններով։ Առաջին տեղը զբաղեցրեց Synopsys ընկերության թիմը։ Երկրորդ հորիզոնականում էր Picsart-ի, իսկ երրորդ տեղում Osensus-ի թիմը:
Մրցանակակիրները պարգևատրվեցին գավաթով, մեդալներով և անակնկալ նվերներով։ Առաջնության ողջ հասույթը փոխանցվելու է «Ազատազէն» ռազմակրթական հասարակական կազմակերպությանը։
«Ունենալով համայնքային զարգացումը որպես ռազմավարական նպատակ՝ մշտապես կարևորում ենք նմանօրինակ միջոցառումների կազմակերպումը, որը հնարավորություն է տալիս նոր կապեր հաստատել, ձևավորել ամուր համայնք, ինչպես նաև հաճելին օգտակարի հետ համատեղելով՝ սատար կանգնել մի շարք կարևորագույն համահայկական ծրագրերի, ինչպիսին է Ազատազէնը։ Նշենք, որ IT Intellectual Cup-ը տարեցտարի ավելի մեծ ճանաչում ու համբավ է վայելում։ Այս տարի խաղին միացել են 57 թիմեր, ինչը, իհարկե, շատ ողջունելի է»,- նշում է IT Intellectual Cup 2023-ի կազմակերպիչ Լիլիթ Հակոբյանը։
Կարդացեք նաև
Նշենք, որ IT Intellectual Cup առաջնությունն առաջին անգամ անցկացվել է 2019 թ․։
Մամուլի հաղորդագրություն
