ԱԺ արտահերթ նստաշրջանում ՔՊ խմբակցության պատգամավոր Նարեկ Զեյնալյանը հարցրեց ֆինանսների նախարար Վահե Հովհաննիսյանին՝ բանկերը ներելո՞ւ են Արցախի քաղաքացիների պարտքերը։
2023 թվականի պետական բյուջեի նախագծում լրացումներ կատարելու մասին նախագծով առաջարկվում է Արցախի կառավարության, հիմնադրամների, իրավաբանական ու ֆիզիկական անձանց 315 մլրդ դրամ պարտավորությունների վերջնական չափը վերակառուցել ՀՀ կառավարության եւ ֆինանսական կազմակերպությունների միջեւ՝ համապատասխանաբար 70 եւ 30 համամասնությամբ։
Նարեկ Զեյնալյանը հարցրեց․ «Ճի՞շտ եմ հասկանում, որ այդ 30 տոկոս պարտքերը ներվելու են Արցախի քաղաքացիներին եւ ոչ թե բանկերը գնալու են Արցախից ժամանած քաղաքացիների հետեւից եւ փորձեն ստանալ ինչ-որ ձեւով։ Այդ 3 տոկոս վարկերի գումարն ուղղակի ներվելու է, ճի՞շտ եմ հասկանում»։
Վահե Հովհաննիսյանն ասաց․ «Եթե իրավունքն անցնում է ՀՀ-ին, այդ մենք կորոշենք՝ կներվի, թե չի ներվի։ Այո, մենք խոսում ենք այն մասին, որ 315 մլրդ դրամի իրավունքն անցնում է Հայաստանի Հանրապետությանը։ Այդտեղ կան որոշակի չափով ֆիզիկական եւ իրավաբանական անձանց տրված վարկեր նաեւ։ Բայց հիմնական գերակշիռ մասը Լեռնային Ղարաբաղի կառավարության եւ իր հիմնադրամների կողմից թողարկված պարտատոմսերն են»։
Կարդացեք նաև
Ռոզա ՀՈՎՀԱՆՆԻՍՅԱՆ
