Երևանի ավագանու նախկին անդամ Դավիթ Խաժակյանը գրում է.
Թափառող կենդանիների խնդիրը մարզային համայնքներում բավականաչափ սրվել է։ Հատկապես քաղաքային բնակավայրերից անընդհատ ստանում եմ տագնապած զանգեր, որ անգամ երեխաներին ծնողները դպրոց չեն թողնում միայնակ գնալ, քանի որ ոհմակները ամենուր են։ Քաղաքները չթվարկեմ, ամենուր կա այս խնդիրը։
Երևանում խնդիրը կառավարելի է, քանի որ համայնքը իր ֆինանսներով կարողանում է ստերջացման միջոցով թվաքանակը կառավարելի պահել։ Այլ համայնքները նման ֆինանսական միջոցներ չունեն, որպեսզի Երևանի օրինակով խնդիրը կառավարելի դարձնեն։
Ըստ այդմ առաջարկում եմ կառավարությանը հարցին տալ համակարգային լուծում երեք քայլով.
Կարդացեք նաև
- Ընտրել այն մարզային հանգույցները, որտեղ Երևանի օրինակով կկազմակերպվի թափառող կենդանիների խնամքի և վնասազերծման կենտրոնները։
- Իրականացնել օրենսդրական փոփոխություն։ Նախ կարգավորել ոլորտը, ապա համայնքների ղեկավարներին պատվիրակված լիազորությունների շրջանակում պարտավորեցնել ստեղծել այդ կենտրոնները։
- Հաշվի առնելով նման ծրագրի մասշտաբները՝ ներգրավել կենդանասեր հասարակական կազմակերպություններին՝ գործընթացը կառավարելի պահելու համար։
