ՔՊ նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Ադրբեջանի ԱԳՆ հայտարարել է, որ «ԵՄ–ն և ԱՄՆ–ն կիսելու են պատասխանատվությունը Հայաստանի ցանկացած ապակայունացնող գործողության համար»։
«Վաշինգտոնի և Բրյուսելի նման բացահայտ հայանպաստ հանրային դիրքորոշումը Հայաստանում ռևանշիստական տրամադրությունների ֆոնին կարող է վտանգավոր պատրանք ստեղծել Հայաստանում, որ ԵՄ-ն և ԱՄՆ-ն կաջակցեն նրան Ադրբեջանի դեմ հաջորդ հնարավոր սադրանքներում։ Այս դեպքում ԵՄ-ն և ԱՄՆ-ն կիսելու են պատասխանատվությունը Հայաստանի ցանկացած ապակայունացնող գործողության համար»,-նշված է հայտարարության մեջ։
Եթե թարգմանենք այլ լեզվով՝ ասում են` մի խառնվեք, մենք Փաշինյանի հետ պայմանավորվել ենք, խելոք անում է։ Այստեղից էլ բխում է այլ հարց՝ ինչո՞ւ են կեղծ շառլատան «արևմտամետերը» առավոտից երեկո ասում, թե իբր այսպես է պահանջում միջազգային հանրությունը, մինչդեռ տարբեր մայրաքաղաքներից եկող ազդակները փաստում են, որ այս գործելաոճը որևէ մեկին հասկանալի չէ։
Դեռ երեք ամիս առաջ, ես իմ հարցազրույցներից մեկում ասել էի՝ Փաշինյանը «գցելու» է Արևմուտքին ու գնալու է Ալիևի հետ ուղիղ բանակցության։
Կարդացեք նաև
Հիմա մենք դրա ականատեսն ենք լինում։ Հարցերը լուծվում են միմիայն Բաքվի հետ՝ առանց միջնորդի և տրամաբանության։
