Մայիսի 23-ին ՀՀ կառավարության նիստում հաստատվեց Պետական գույքի կառավարման 2021-2023 թվականների ծրագրի կատարման 2023թ.-ի տարեկան հաշվետվությունը։
Այն ընդգրկում է հաշվետու տարվա ընթացքում Ծրագրի շրջանակներում իրականացված գործարքներից ստացված դրամական մուտքերն, ինչպես նաև ստանձնած ներդրումային պարտավորությունների կատարման վերաբերյալ տեղեկությունները։
2023 թվականին պետական գույքի կառավարման արդյունավետությունը նկատելիորեն բարձրացել է, ինչը դրական ազդեցություն է ունեցել պետական բյուջեի եկամուտների վրա։ Ընդհանուր առմամբ, 2023 թվականին պետական գույքի կառավարումից ստացված միջոցները կազմել են 15.4 միլիարդ ՀՀ դրամ։ Այս ցուցանիշը նախորդ տարվա համեմատ ավելի է 72.1%-ով կամ 6.4 միլիարդ դրամով։
Ստացված գումարների բաշխումը հետևյալն է՝
Կարդացեք նաև
- Գույքի օտարումից՝6 միլիարդ ՀՀ դրամ (աճ՝ 45.6% կամ 3.3 միլիարդ դրամ),
- Բաժնեմասի մասնավորեցումից՝8 միլիարդ ՀՀ դրամ (աճ՝ 348.4% կամ 2.9 միլիարդ դրամ),
- Վարձակալությունից՝3 միլիոն ՀՀ դրամ (աճ՝ 43.2% կամ 203 միլիոն դրամ),
- Ալեհավաքների տեղադրումից՝ 289 միլիոն ՀՀ դրամ (նվազում՝2% կամ 29.5 միլիոն դրամ):
2023թ․-ին պետական գույքի կառավարման ոլորտում իրականացված գործարքների արդյունքում ստանձնվել է 34 միլիարդ ՀՀ դրամի ներդրումային պարտավորություն, որը նախատեսվում է իրականացնել առաջիկա 5 տարիների ընթացքում։ Այս պարտավորությունները ներառում են մի շարք խոշոր ծրագրեր, որոնք ուղղված են նոր աշխատատեղերի ստեղծմանը, բիզնես հնարավորությունների ընդլայնմանը, սոցիալական ծրագրերի իրականացմանը և այլն։
2023թ․–ի ընթացքում Կոմիտեի կողմից իրականացվել են հետևյալ գործարքները՝
- Օտարման է ներկայացվել 70 անվանում անշարժ գույք, որոնցից 38-ը օտարվել է, ինչը 21-ով ավել է նախորդ տարվա ցուցանիշից։ Օտարման գործարքների ընդհանուր արժեքը կազմել է 2 մլրդ ՀՀ դրամ, ինչը 56%-ով ավել է նախորդ տարվա ցուցանիշից։
- Մասնավորեցվել են 2 առևտրային կազմակերպություններում պետությանը պատկանող բաժնեմասերը ընդհանուր 7 մլրդ ՀՀ դրամ արժեքով։
- Օտարվել է պետական համակարգից օպտիմալացված 488 միավոր տրանսպորտային միջոց, ինչը 386-ով ավել է նախորդ տարվա ցուցանիշից։
- Իրականացվել է 68 միավոր անշարժ գույքի նվիրատվություն համայնքներին և քաղաքացիներին։
- Կնքվել են անշարժ գույքի վարձակալության 231 և անհատույց օգտագործման 69 պայմանագրեր։
2023թ.-ի ընթացքում իրականացված համակարգային բարեփոխումների արդյունքում՝
- Կառավարության համապատասխան որոշմամբ սահմանվել և հրապարակվել է օտարման ենթակա գույքի ցանկը։
- Օրենսդրական փոփոխությունների արդյունքում պարզեցվել է համայնքներին սոցիալական ծրագրերի իրականացման նպատակով նվիրատվությամբ և անհատույց օգտագործմամբ անշարժ գույքի տրամադրման ընթացակարգը։
- Հաստատվել է ներդրումային պարտավորությունների հսկողության նոր կարգը։
- Հաստատվել է պետական մարմիններին սպասարկող տրանսպորտային միջոցների հատկացման նոր կարգը։
- Հաստատվել է գույքի անհատույց օգտագործմամբ տրամադրման նոր կարգը։
- Ստեղծվել է գույքի ներդրմամբ պետական առաջին բաց բաժնետիրական ընկերությունը, ինչը նպատակ ունի գույքի արդյունավետ կառավարման ծրագրերի իրականացման արդյունքում ստեղծել ֆոնդային բորսայի միջոցով բաժնեմասի մասնավորեցման նոր գործիքակազմ։
- Կադաստրի կոմիտեի հետ համագործակցությամբ հանրությանը հասանելի է դարձել պետական սեփականություն հանդիսացող գույքի վերաբերյալ տեղեկատվությունը՝ կայքի միջոցով։
Ընդհանուր առմամբ, հաշվետու տարում պետական գույքի կառավարման ոլորտում իրականացված բարեփոխումները և ծրագրերը ապահովել են զգալի ֆինանսական մուտքեր պետական բյուջե, ինչպես նաև նպաստել են պետական գույքի առավել արդյունավետ և նպատակային օգտագործմանը։
Պետական գույքի կառավարման կոմիտե
