Լրահոս
Օրվա լրահոսը

Տիգրան Խաչատրյանը և Միխայել Զիբերտը անդրադարձել են ճգնաժամերի կառավարման հետ կապված խնդիրներին

Հունիս 05,2024 17:08 Share
Աջակցեք aravot.am-ին

Փոխվարչապետ Տիգրան Խաչատրյանն ընդունել է Եվրոպական միության Արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերտի գլխավորած պատվիրակությանը: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը:

Ողջունելով հյուրերին՝ փոխվարչապետը շնորհակալություն է հայտնել Միխայել Զիբերտին Հայաստան կատարած այցի համար և կարևորել Հայաստան-Եվրոպական միություն համագործակցության շարունակական զարգացումն ու ընդլայնումը:

Զրուցակիցները հատուկ անդրադարձ են կատարել ճգնաժամերի կառավարման հետ կապված խնդիրներին և երկկողմ համագործակցությամբ դրանց առավել արդյունավետ արձագանքելու հնարավորությանը:

Հանդիպման ընթացքում Տիգրան Խաչատրյանը հակիրճ ներկայացրել է ԼՂ-ից բռնի տեղահանված անձանց բնակարանային ապահովության և զբաղվածության ապահովման ուղղությամբ նախատեսվող աշխատանքները:

Կողմերը քննարկել են նաև երկուստեք հետաքրքրություն ներկայացնող այլ հարցեր։

ՀՀ կառավարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: