«Այս պայմաններում, երբ մեր հայրենակիցները տանջվում են Բաքվի բանտերում, երբ Արցախի ռազմաքաղաքական ղեկավարությունը բանտարկված է եւ ենթարկվում են մարմնական, հոգեկան ու ֆիզիկական կտտանքների, հայ-ադրբեջանական հաշտություն, խաղաղություն հնարավոր չէ։ Թող սա իմանա նաեւ ադրբեջանական հասարակությունը, թող սա իմանան Իլհամ Ալիեւն ու ամբողջ աշխարհը։ Մեկը ես կդառնամ երդվյալ թշնամի այն պետության ու հասարակության, որը կհանդուրժի, որ իմ հայրենակիցներն այս վիճակով իրենց վախճանը գտնեն կամ իրենց ամբողջ կյանքն անցկացնեն Բաքվի բանտերում»,- Կարմիր խաչի միջազգային կոմիտեի մոտ բողոքի ցույցի ժամանակ ասաց «ՀայաՔվե» նախաձեռնության անդամ Մենուա Սողոմոնյանը։
Նա հավելեց, որ հանրությունն իր վճռականությունը պետք է ցույց տա, եւ առաջին հերթին՝ Հայաստանի գործող վարչախմբին, որն ունի անհրաժեշտ գործիքակազմ, բայց մատը մատին չի խփում եւ զբաղված է իր ներքին օրակարգով։
Մենուա Սողոմոնյանը դիմեց Բաքվի բանտում գտնվող Ռուբեն Վարդանյանին՝ խնդրելով դադարեցնել հացադուլը։ «Ավելի լավ ժամանակներ են գալու, ավելի նպաստավոր միջազգային քաղաքական պայմաններ են դասավորվելու, որոնց ազդեցությամբ հնարավոր է դառնալու ձեր եւ այնտեղ տանջվող մարդկանց ազատ արձակումը»,- ասաց նա։
Նշենք, որ «Մենք ենք մեր սարերը» զարգացման գործակալությունն ու «Արցախ Միություն» ՀԿ-ներն այսօր բողոքի ցույց էին կազմակերպել Կարմիր խաչի միջազգային կոմիտեի երևանյան գրասենյակի մոտ՝ պահանջելով փրկել Ռուբեն Վարդանյանի կյանքը եւ պաշտպանել Բաքվի բանտերում պահվող հայ գերիներին https://www.aravot.am/2025/02/27/1472380/ ։ ՀԿ-ները ստորագրել են բաց նամակ՝ ուղղված ԿԽՄԿ նախագահ Միրյանա Սպոլյարիչ Էգերին:
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
