-Միջազգային կառույցները սատարում են այսօրվա իշխանություններին: Ոչ թե սկզբունքներով են շարժվում, այլ շահով,- այսօր Հակակոռուպցիոն դատարանի շենք մտնելուց առաջ լրագրողներին ասաց ՀՀ 3-րդ նախագահ Սերժ Սարգսյանը:
Այն հարցին, թե նախկինում, երբ ի պաշտոնե շփվում էր միջազգային կառույցների հետ, սա՞ էր իրենց պատկերացրած ժողովրդավարությունը, պարոն Սարգսյանը պատասխանեց՝ ոչ:
Անդրադառնալով Մասիսի համայնքապետի երեկվա կալանավորմանը՝ պարոն նախագահն ասաց, որ դատավճռից անմիջապես հետո հայտարարություն են տարածել ու ընդգծել, որ ՀՀ դատական համակարգը քաղաքականացված է: Դատավճիռները կախված են մի անձի կամքից. « Ակնհայտ է, որ ամբողջ դատավարության ընթացքում որեւէ լուրջ ապացույց չի ներկայացվել կապված Դավիթի կողմից հանցավոր գործունեության հետ, այդ հոդվածով աննախադեպ ժամկետ է կիրառվել, բնականաբար, որ որեւէ կերպ համաներումը չազդի այդ պատժամիջոցի վրա»:
Կարդացեք նաև
Արփինե ՍԻՄՈՆՅԱՆ
