Հանրապետության հրապարակում այս գիշեր Ամանորը դիմավորել է 21 հազար մարդ։ Այս մասին ֆեյսբուքյան ուղիղ եթերում ասել է ՀՀ վարչապետ Նիկոլ Փաշինյանը։
«Հրապարակում հաջողված միջոցառում է եղել, ինքս անձամբ այնտեղ եմ եղել։ Սպասում էի, որ ավելի շատ օտարերկրացիներ պետք է լինեն, բայց ինձ համար անակնկալ էր, որ բազմաթիվ հայ ընտանիքներ կային։ Այսինքն մարդիկ՝ տատիկ, պապիկ, հայրիկ, մայրիկ երեխաներով եկել էին։ Սփյուռքից բազմաթիվ ընտանիքներ կային», – ասել է Փաշինյանը։
Կարդացեք նաև
Փաշինյանը հիշեցրել է, որ չի կարող այնպես լինել, որ խնդիրներ չլինեն. դա է կյանքը:
«Ես առաջարկում եմ՝ 2026 թվականի հունվարի մեկին պայմանավորվենք մի բան, եկեք պրոբլեմներին վերաբերվենք որպես մեր կյանքի առօրյայի մաս, որով մենք ուղղակի պետք է զբաղվենք, եթե այդ պրոբլեմները չլինեն, որով մենք պետք է զբաղվենք, մեր կյանքը կլինի անհետաքրքիր եւ անիմաստ, որովհետեւ հենց բանականության, գիտակցության, քաղաքակրթության նպատակները պրոբլեմներ լուծելն է, որովհետեւ քաղաքակրթությունը ինքը նաեւ պրոբլեմներ ստեղծող երեւույթ է»:
