«Սրբուհի Գալյանին դրա համար է Նիկոլը վարձատրում․ կարող էր ուրի՞շ բան ասել։ Պիտի այնքան ինտենսիվությամբ կրկնի Նիկոլի ասածները, որ կարողանա իր 200 հազար դոլարանոց տունն ապահովի, որ sms-ը չստանա»,- այսօր ԱԺ շենքի մոտ Հայաստանի հանրապետական կուսակցության կազմակերպած՝ ի պաշտպանություն Հայաստանում քաղբանտարկյալների եւ Բաքվի բանտերում բանտարկված մեր հայրենակիցների ցույցից առաջ լրագրողների հետ զրույցում ասաց ՀՀԿ Գործադիր մարմնի անդամ, ԱԺ պատգամավոր Աննա Մկրտչյանը։
Ցույցը կազմակերպվել էր Եվրոպայի խորհրդի մարդու իրավունքների հանձնակատար Մայքլ Օ’Ֆլահերթիի՝ ՀՀ խորհրդարան այցի առիթով։ Ցույցի մասնակիցները Հայաստանում եւ Բաքվում հայ քաղբանտարկյալների նկարներով էին եւ Հայաստանի քաղբանտարկյալներին ու «Ալիեւի բանտարկյալներին» ազատ արձակելու կոչերով պաստառներով։ Ցույցին մասնակցում էին տարբեր քաղաքական ուժերի ներկայացուցիչներ, քաղաքացիներ։
Հիշեցնենք, երեկ արդարադատության նախարար Սրբուհի Գալյանը կրկին պնդել էր՝ Հայաստանում քաղբանտարկյալներ չկան։
Աննա Մկրտչյանի վստահությամբ՝ միջազգային կառույցներն էլ կրկնակի չափանիշներով են առաջնորդվում եւ լռում են այն դեպքում, որ ՀՀ-ում քաղաքական բանտարկյալների թիվը գերազանցում է հինգ տասնյակը։
Կարդացեք նաև
Լուծումը իր կարծիքով մեկն է՝ Նիկոլը չլինի՝ ՀՀ-ում քաղբանտարկյալներ չեն լինի, կկարողանանք Բաքվի բանտերից ետ բերել հայերին։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
