«ՀՀԿ 18-րդ համագումարն ամենեւին հերթական չէ, այն հրավիրվել է մեր հայրենիքի համար բախտորոշ ժամանակահատվածում: Ստի ու կեղծիքի, պատերազմի ու պարտության սիմվոլը, ուրանալով ազգային արժեքները, պատերազմ է հայտարարել Հայոց երրորդ հանրապետությանը», -ՀՀԿ համագումարի ժամանակ ասաց ՀՀԿ Գործադիր մարմնի անդամ Էդուարդ Շարմազանովը: Նրա խոսքով, այս տարիների ընթացքում Հայաստանի կառավարիչներն ուրացել են Հայոց ցեղասպանությունը, մարտահրավեր են նետել Հայ Առաքելական եկեղեցուն, Արցախը ճանաչել են Ադրբեջանի մաս, մատը մատին չեն տվել Արցախի հայաթափման ժամանակ»:
Նրա ձեւակերպմամբ, գործող իշխանություններն այսօր էլ իրականացնում են Հայաստանի խաղաղ ադրբեջանականացման գործընթացը: «Առավոտից երեկո իրար հերթ չտալով խոսում են խաղաղության դարաշրջանի մասին, սակայն չկա խաղաղության դարաշրջան, չկա խաղաղության օրակարգ»,-նշեց ՀՀԿ գործադիր մարմնի անդամը:
Մանրամասն՝ տեսանյութում
Կարդացեք նաև
Համագումարն ամբողջությամբ.
Գոհար ՀԱԿՈԲՅԱՆ
