«Ինչո՞ւ են իշխանություններն ուզում վերարտադրվել, որովհետեւ նրանք վախեր ունեն՝ իրենց խոստումները չկատարելու դիմաց պատժի արժանանալու։ Ավելի լավ, քան իրենք, ոչ մեկը չգիտի, թե իրենք ինչ են խոստացել իշխանության գալուց, ինչի դիմաց են խոստացել եւ իրենց իշխանության բերողների կողմից ինչ պատժի կարժանանան, եթե այդ խոստումները չկատարվեն»,- ԱԺ նստաշրջանում ԿԸՀ 2024-2025 թվականի գործունեության մասին հարցի քննարկման ժամանակ ասաց «Հայաստան» խմբակցության պատգամավոր Արմենուհի Կյուրեղյանը։
«Ալիեւն ամեն օր նրանց հիշեցնում է, որ իրենք դեռ Սահմանադրությունը չեն փոխել։ Ալիեւը նրանցից պահանջում է 300 հազար ադրբեջանցիների բնակեցում Հայաստանում, որովհետեւ այդ 300 հազար ադրբեջանցիները, տեղավորվելով Հայաստանում, շատ կարճ ժամանակահատվածում դառնալու են ավելին, քան 300 հազարն է։ Իսկ նիկոլիզմի թեզ 002-ով հստակ ասվում է՝ այն մարդը, ով բնակվում է Հայաստանում, դառնում է ՀՀ քաղաքացի եւ երկրի տերը։ Ասել է, թե մի քանի տարի հետո Ալիեւի պահանջով 300 հազար բնակեցումները կդառնան 1 մլն ընտրող, եւ առանց պատերազմի երկիրը կհանձնեն Ադրբեջանին։ Եթե ոչ, ապա այս իշխանությունը պատժի առաջ է կանգնելու։ Ահա այս վախերն այս իշխանություններին դարձրել են երկիրը կտոր-կտոր թշնամուն հանձնող «Չարի վերջ»-ի հերոս»,- ասաց նա։
Մանրամասները՝ տեսանյութում
Կարդացեք նաև
Արմենուհի Կյուրեղյանի ելույթից հետո ԱԺ փոխնախագահ Հակոբ Արշակյանն ասաց․ «Խաղաղ երկինք եմ մաղթում, խաղաղվեք, խնդրում եմ»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
