«ՀՀ-ՌԴ հարաբերություններն այսօր գտնվում են ամենաբարձր մակարդակի վրա, քան եղել են։ Նայեք ՀՀ-ի և ՌԴ-ի ղեկավարների հանդիպման դինամիկան և համեմատեք նախորդող շրջանների հետ։ Էս ձևաչափով լիարժեք աշխատանքային կապի մեջ եմ ՌԴ նախագահի և ՌԴ կառավարության ղեկավարի հետ, ինչը առանձնահատուկ բովանդակություն է տալիս»,- խորհրդարանում կառավարության անդամների հետ հարցուպատասխանի ժամանակ վստահեցրեց ՀՀ վարչապետ Նիկոլ Փաշինյանը։
Ըստ նրա՝ հայ-ռուսական հարաբերությունների վատթարացման մասին խոսողներն ուզում են կաթվածահար անել ԵԱՏՄ-ն․ «Մենք ԵԱՏՄ անդամ երկիր ենք և ԵԱՏՄ հինգ երկրներից մեկն ենք, որ որոշումներ է կայացնում։ Նման սադրանքներ անողներն ուզում են ԵԱՏՄ-ն՝ որպես կազմակերպություն ոչնչացնել։ Իրենք մեկ է՝ չեն փրկելու իրենց ունեցվածքը։ Ավելի լավ է՝ ԵԱՏՄ-ն սադրանքների մեջ չներքաշեն։ Մենք ՌԴ-ի հետ չենք վիճել, չենք վիճում, չենք վիճելու։ Մեզ բոլոր հակադրությունների մեջ ներքաշելու փորձերը՝ կլինի տնտեսական, թե քաղաքական, սին են։ Որևէ մեկին չի հաջողվելու դա անել։ Նրանք, ովքեր ուզում են խաթարել ՀՀ-ՌԴ բարեկամությունն ու եղբայրությունը, էդ մարդիկ պարզապես ինոստրաննի ագենտ են»։
ԱԺ-կառավարություն հարցուպատասխանն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
