«Նիկոլ Փաշինյանը հունվարից հետո ուղեղների լվացմանը միտված ագրեսիվ քաղաքականություն է սկսել վարել՝ համոզելով, որ իրականում գոյություն ունի խաղաղություն եւ իրենց վերարտադրության դեպքում այդ խաղաղությունը պահպանվելու է։
Ես մի պարզ իրողություն նշեմ։ Մեր խաղաղությունը նման է Հայաստան-Ադրբեջան իբր սկսված ապրանքաշրջանառությանն ու առեւտրին։ Իրենք այնտեղից մեր վրա ծախում են, ասենք, մի քանի միլիոն դոլարի բենզին, դրանով փող են աշխատում եւ հավանաբար այդ փողն ուղղում են զենք ձեռք բերելուն Հայաստանի դեմ պատերազմի նախապատրաստվելու համար։ Իսկ Հայաստանից, վերջերս հրապարակվեց մամուլում, ապրանք են ծախել Ադրբեջանին ընդամենը $ 950-ի։ Այն էլ, ինչքան ես տեղեկացա, հոլանդական վարդեր»,- ասաց «Մայր Հայաստան» կուսակցության վարչության անդամ Դերենիկ Մալխասյանը «Հայելի» ակումբում՝ ներկայացնելով գործող իշխանության խոստացած խաղաղության իրական նկարագիրը;
Աշոտ ՀԱԿՈԲՅԱՆ
