«Ասեմ մի շատ կարեւոր բան։ Մեր հասարակության 70 %-ը ընդդիմադիր հայացքների տեր է։ Եթե Հայաստանում մեկը ցանկանար ձեր ասածը անել, վայրկյանական դա բոլորին հայտնի կլիներ»,-պատասխանելով Armenia TV-ի «Ընտրության ժամը» հաղորդաշարի հարցին, թե Հակակոռուպցիոնը մի քանի ձայնագրություն էր հրապարակել, որոնց հիման վրա իրենց քաղաքական ուժի ներկայացուցիչներից եղան ձերբակալվածներ եւ իշխանությունը իրենց մեղադրում է, թե «Ուժեղ Հայաստանում» փող են բաժանում, ասաց «Ուժեղ Հայաստան» կուսակցության խորհրդի անդամ Նարեկ Կարապետյանը։
«Բերեմ Գոհար Ղումաշյանի օրինակը, որին 104-ամյա պատերազմի վետերանի հետ ծննդի նվեր անելու մասին խոսելու համար կալանավորել էին։ Ունենք ուրիշ դեպքեր, երբ գրանցված աշխատողի օֆիցիալ աշխատավարձը ներկայացնում են որպես շահագրգռելու փորձ»,-ասաց Նարեկ Կարապետյանը։
Աշոտ ՀԱԿՈԲՅԱՆ
