«Հունվարից սկսած՝ դեռ մի ամիս չի եղել, որ ծեծկռտուքի միջադեպ, մասնավորապես՝ վարորդին ծեծի ենթարկելու դեպք չունենանք»,- այսօր լրագրողների հետ զրույցում ասաց Երեւանի փոխքաղաքապետ Սուրեն Գրիգորյանը՝ անդրադառնալով հանրային տրանսպորտում վերջին շրջանում իրար հաջորդող միջադեպերին:
Անդրադառնալով երեկ՝ ապրիլի 20-ին թիվ 8 ավտոբուսի վարորդի դանակահարության դեպքին՝ Գրիգորյանն ասաց՝ վարորդի վիճակը լավ է, տանն է:
Գրիգորյանը տրանսպորտում միջադեպերը չի պայմանավորում նաեւ քաղաքապետ Տիգրան Ավինյանի վերջին հայտարարություններով, որով կոչ էր արել վարորդներին ներգրավվել ուղեվարձերի հավաքագրմանը:
Կարդացեք նաև
«Աննորմալ թվերի էր հասել չվճարումները հանրային տրանսպորտում: Այն մարդիկ, որ հիմա ասում են՝ վայ, բռնություն վարորդի նկատմամբ, բայց այդ երեւույթը անընդհատ կա մեր հանրային տրանսպորտում, բա այդքան սրտացավություն մեր վարորդների նկատմամբ ո՞ւր էր: Այդ սրտացավությունը համեմված է քաղաքական շահով եւ էլի քաղաքական դիվիդենտներ հավաքելու ցանկությամբ»:
Արփինե ՍԻՄՈՆՅԱՆ
