1998թ․ դեկտեմբերի 10-ին՝ Երևանում՝ իր բնակարանի շքամուտքում պաշտպանության նախկին փոխնախարար Վահրամ Խորխոռունու սպանության գործով մեղադրյալ Հրայր Նարիմանյանը ձերբակալվել է ՌԴ-ում։
ՀՀ գլխավոր դատախազությունից «Փաստինֆո»-ի հարցմանն ի պատասխան հայտնել են, որ 2025 թվականի նոյեմբերի 27-ին Ռուսաստանի Դաշնության գլխավոր դատախազություն է ուղարկվել քրեական վարույթով հետախուզվող Հրայր Համլետի Նարիմանյանին քրեական հետապնդման ենթարկելու նպատակով հանձնելու մասին միջնորդություն:
«Միջնորդության հիման վրա՝ ՌԴ գլխավոր դատախազությունը ՌԴ իրավասու մարմիններին հանձնարարել է հայտնաբերել և ձերբակալել Հ. Նարիմանյանին: Համաձայն ՀՀ ՆԳՆ Ոստիկանության Ինտերպոլի ԱԿԲ-ի 2026 թվականի մարտի 5-ի տեղեկության՝ Հ. Նարիմանյանը 2026 թվականի մարտի 4-ին ձերբակալվել է ՌԴ իրավապահ մարմինների կողմից:
2026 թվականի մարտի 6-ին ՌԴ գլխավոր դատախազություն է ուղարկվել Հ. Նարիմանյանի հանձնման միջնորդությունը վերահաստատելու վերաբերյալ գրություն՝ միաժամանակ խնդրելով կալանավորել վերջինիս և անդրադառնալ նրան հանձնելու մասին միջնորդության քննարկմանը»,- նշել են դատախազությունից՝ հավելելով, որ միջնորդության քննարկման արդյունքների մասին տեղեկություն դեռևս ՀՀ գլխավոր դատախազությունում չի ստացվել:
Կարդացեք նաև
Մանրամասները` սկզբնաղբյուր կայքում։
