Factor.am-ը պարզել է, որ «Չկա Հայաստան առանց Փաշինյան» գրությամբ պաստառը տարածվել է Գյումրիի ավագանու ՔՊ խմբակցության ղեկավար Սարիկ Մինասյանի տեսանյութից։ Մինասյանն այդ տեսանյութը հրապարակել է ապրիլի 25-ին։ Նա այլ քաղաքացիների հետ նշում էր «Քաղաքացու օրը» և մասնակցում «խորոված փարթիին»։
Factor.am-ը Սարիկ Մինասյանից հետաքրքրվեց՝ արդյո՞ք այդ պաստառն իր կամ ՔՊ-ի կողմից է պատրաստվել։
«Քաղաքացին ինքնակամ սարքել է, երկու ամիս է կա, նո՞ր են տեսնում։ Իր սրտի ցանկությունն է, իր մտածելակերպն է»,- ասաց Սարիկ Մինասյանը՝ նշելով, որ պաստառը Ոսկեհասկ գյուղում է։
Ըստ նրա՝ գյուղի բնակիչներից մեկը, որը Ռուսաստանում է բնակվում, որոշել է վերադառնալ ծննդավայր, տուն կառուցել և բնակություն հաստատել Հայաստանում։ Այդ պատճառով էլ պաստառի վրա նաև «վերադարձ Հայաստան» գրությունը կա։
Կարդացեք նաև
«Իր հայրենի գյուղում է, որտեղ պետք է ապրի Ռուսաստանից վերադառնալուց հետո։ Այդ պաստառի հեղինակն ինքն է, որը փակցված է շինարարների տնակի պատի վրա։ Տուն է սարքում»,- ասաց Մինասյանը։
Նյութն ամբողջությամբ՝ սկզբնաղբյուր կայքում:
