«Մենք երբեք չենք ասել, որ հոսանքի հավելագրում չի եղել։ Պարոն Մինասյան, ձեր օրոք էլ է եղել, մի հատ շատ սիրուն անունով մանկապարտեզ ունեք Գյումրիում, այդ մանկապարտեզի վրա 27 000 կՎտ հավելագրում էին գտել 15 օր առաջ։ Այսինքն՝ մենք արել ենք, դուք եկել շարունակե՞լ եք»,- ԱԺ նիստում ՔՊ խմբակցության պատգամավոր Սարիկ Մինասյանի հարցին ի պատասխան ասաց «Ուժեղ Հայաստան» խմբակցության պատգամավոր, ՀԷՑ-ի իրացման նախկին տնօրեն Դավիթ Ղազինյանը։
Ղազինյանը նշեց, որ ՀԷՑ-ի իրացման տնօրինությունն այսօր աշխատում է այն դրվածքով, որն ինքն է ներդրել եւ նույն մարդկանցով։ «Հիմա, ոչ մեկի չեմ վիրավորում, բայց եթե հայելային գամ, Դավիթ Ղազինյանին, Սամվել Կարապետյանին մեղադրել, որ իրենք հավելագրումների մեջ ինչ-որ բան են ունեցել, դա նույն է, որ այսօր ձեզ, ձեր անմիջական նախկին ղեկավարին կամ իր ղեկավարին մեղադրել, որ փայ են ունեցել։ Շատ հայելային վերաբերմունք է»,- ասաց Ղազինյանը։
Կարդացեք նաև
Ռոզա ՀՈՎՀԱՆՆԻՍՅԱՆ
