«Քանի որ բնակիչներ-համատիրություն համագործակցության արդյունքում ամենաշատը տուժում է բնակիչը, իմ առաջարկն է, որ Երեւանի քաղաքապետարանն ունենա իր գործառույթը, գույքահարկը, որ թանկացել է, դրանից մի փոքր գումար հատկացվի, շենքերի տակի կոյուղատարերը սարքվեն… Թե չէ Երեւանն արդեն դարձել է ծաղրի առարկա, հենց անձրեւ է գալիս, լճեր են գոյանում: Ու քանի որ ՔՊ-ականներն ինձ շատ են ուրախացնում, ուզում եմ մի ուրախ պատմություն պատմել»,- Երեւանի ավագանու նիստի ժամանակ ասաց ավագանու ընդդիմադիր անդամ Մեսրոպ Մանուկյանը։
«Պարոն Փամբուխչյան, ես առաջարկել էի՝ ձեզ, գնանք քայլենք, բայց եկեք ու տեսեք, որ գնալ-քայլելու ժամանակ հրապարակ եկան ՔՊ-ի իսկանդերները… Ինձ վրա եկավ Դուբայի Ջեմուլը, նույն ինքը՝ եկեղեցու դեմ շրջիկ խմբի անդամը, իմ վրա եկել էր մի կին, որն ասաց, որ ապարանցի Անժոն է, թե ինչ կապ ունի ապարանցի Անժոն քաղաքի խնդիրների հետ, չգիտեմ…
Հաջորդն եկել էր Լիլյան, մեկնաբանությունների մեջ գրում էին՝ ոստիկան Գեւորգը 2 անգամ ֆռռաց, չհասկացա, թե որ կողմ, չկարողացա հասկանալ, թե ուր, հաջորդը իմ վրա եկել էր ՔՊ-ական Ժաննան, որը պնդում էր, թե Գանձասարը թուրքական է, Ղազանչեցոցը՝ ադրբեջանական: Հետո եկան Գազոն, Լազոն ու Կռլեն… Լազոն՝ քաղաքապետի տեղակալը, ով մի շաբաթ առաջ էլ, երբ Նիկոլ Փաշինյանը գալիս էր Մալաթիա, ներկայանում էր շարքային քաղաքացի, խնդրում էր՝ ձեր դոշի քարտեզից ու ասում էր՝ ուզում եմ գրկել ձեզ… էս ինչ ֆենոմենալ կռուգ ունեք»,- հեգնեց Մեսրոպ Մանուկյանը։
Կարդացեք նաև
Ավագանու նիստն ամբողջությամբ
Գոհար ՀԱԿՈԲՅԱՆ
