«Եթե ասում ենք ինքնիշխանություն, ինքնիշխանությունը Պուտինին հայհոյելով կամ Պուտինի վրա մուննաթ գալով չէ։ Ինքնիշխանությունը ատոմակայանի պես հաստատություն ունենալով է։ Մենք եկել ենք ընդամենը զգուշացնելու, որ սա կարող է չլինել, եւ մենք կարող ենք կանգնել հերթական աղետի առաջ։ Այսօր իշխանությունը որոշում չի կայացնում, ձգձգում է։ Իսկ սա գինու փառատոն չէ, որ մեկ կամ երկու օրում անես։ Սրա համար պետք են մասնագետներ, ռեսուրսներ, ինչը հեշտ գործ չէ։ Պետք է կայացնել որոշում։ Եվ քաղաքական որոշում։ Հասկանում ենք, որ սա մասնագիտական շատ նեղ ոլորտ է, բայց մենք խոսում ենք քաղաքականության մասին, որը մեզ լավ տեղ չի տանում։
Հայ մարդը փորձակենդանի չէ, որ որեւէ տեղ չփորձարկված պիլոտային ծրագրեր անեն հայ մարդու վրա»,- այսօր Մեծամորի ատոմակայանի մերձակայքում իրականացված իրազեկման քարոզարշավի ընթացքում ասաց ԱԺ ընտրություններում «Լուսավոր Հայաստան» կուսակցության նախընտրական ցուցակի պատգամավորության թեկնածու Կարպիս Փաշոյանը։
Աշոտ ՀԱԿՈԲՅԱՆ
