«Ժողովրդագրական աղետի պատճառով ՀՀ-ն մահացող պետություն է։ Սա ես չեմ ասում, սա ասում են եվրոպացի, ամերիկացի փորձագետները»,- ասել է ՏԿԵ նախկին փոխնախարար Լիլյա Շուշանյանը։
Նրա խոսքով՝ վերջին 35 տարիներին Հարավային Կովկասի բնակչությունն աճել է մինչեւ 17,2 մլն։ Կովկասի հեգեմոն է Ադրբեջանի բնակչությունը։ Առաջիկա 25 տարիներին միտումը մնում է նույնը՝ թե Վրաստանում, թե առավել եւս Հայաստանում բնակչությունը շարունակելու է նվազել, իսկ Ադրբեջանում հակառակը՝ անցնելու է 11 մլն-ը։ Եվ թե ՀԲ-ի, թե ՄԱԿ-ի կանխատեսումներով՝ դարեվեջին Հայաստանում պետք է լինի գրեթե 2 մլն բնակչություն։
Շուշանյանի խոսքով՝ ժողովրդագրական ցուցանիշներով մենք արդեն պարտված պետություն ենք։ Պատերազմի հետեւանքով ունեցանք 5000 զոհ, հազարավոր վիրավորներ։ Այս ամենը հետագա տարիներին հանգեցնելու է ամուսնությունների թվերի, ինչպես նաեւ ծնելիության գործակցի նվազմանը։
Նա նշել է, որ կառավարությունները պետք է առաջնահերթ քայլերը ձեռնարկեն ժողովրդագրական աղետը կանխելու համար։ Լիլյա Շուշանյանը հիշեցրել է, որ «Ուժեղ Հայաստան»-ի առաջնորդ Սամվել Կարապետյանի կողմից առաջարկվել է հստակ ծրագիր՝ խրախուսելու Հայաստանում ծնելիությունը։
Կարդացեք նաև
Ռոզա ՀՈՎՀԱՆՆԻՍՅԱՆ
Լուսանկարը՝ Լիլյա Շուշանյանի ֆեյսբուքյան էջից
