«Ազատություն». Ռուսական գազի արտոնյալ գինը օգնություն է Հայաստանի ժողովրդին՝ Ռուսաստանի հաշվին, լրագրողների հետ զրույցում այսօր պնդել է Կրեմլի խոսնակը:
«Այդ արտոնությունը, որը ստանում են հայերը, միշտ ինչ-որ մեկի հաշվին է։ Դա երկնքից չի ընկնում, դա Ռուսաստանի Դաշնության հաշվին է։ Հայ ժողովուրդը մեր եղբայրական ժողովուրդն է և կմնա եղբայրական։ Բայց դա մեր հաշվին է, պետք է իրերն իրենց անուններով կոչել։ Օրինակ՝ եվրոպացիներին, երբ գազը վաճառում են 500-800 դոլարով, ոչ ոք իր հաշվին չի օգնում։ Ամերիկացիներն օգնում են եվրոպացիներին հենց իրենց՝ եվրոպացիների հաշվին, մեծ գումարների դիմաց», – հայտարարել է Դմիտրի Պեսկովը:
Այսօր հայտնի դարձավ, որ Պետդումայի անվտանգության և կոռուպցիայի դեմ պայքարի հանձնաժողովի փոխնախագահն առաջարկել է վերանայել Ռուսաստանի կողմից Հայաստանին տրամադրվող գազային արտոնությունները, ինչպես նաև դիտարկել հայկական կոնյակի ներմուծման սահմանափակման հնարավորությունը:
Գազի ապագա գնի մասին հարցն այսօր Պեսկովը հորդորել է ուղղել «Գազպրոմ»-ին. – «Այնտեղ կա արտոնյալ գին. այն կարող է լինել ավելի բարձր, կարող է լինել ավելի ցածր, կարող է վերանայվել։ Կորպորացիաները կարող են բարձրացնել այդ հարցը, դա կորպորատիվ հարց է»։
Կարդացեք նաև
Նյութն ամբողջությամբ՝ սկզբնաղբյուր կայքում:
