Ես կանգնած եմ այն ուժերի կողքին, ովքեր կարող են հեռացնել այս իշխանությանը
«Հրապարակի» զրուցակիցը բժիշկ Արփինե Սողոյանն է:
-Ի՞նչ եք կարծում` իշխանությունը կվերարտադրվի՞:
– Իշխանությունը չի վերարտադրվելու, ես չեմ տեսնում երկրորդ տարբերակ: Նրանք պետք է տապալվեն, արդեն տապալված են: Ես կանգնած եմ այն ուժերի կողքին, ովքեր կարող են հեռացնել այսօրվա իշխանությանը, թեպետ հույսեր եմ կապում երկրորդ նախագահի հետ, նա ունի փորձ, մեկ անգամ արդեն երկիրը ճգնաժամային վիճակից հանել է ոտքի, թեպետ այն ժամանակ այս աստիճան ճգնաժամի մեջ չի եղել Հայաստանը: Վստահ եմ, որ նրա մոտ նորից կստացվի….
Կարդացեք նաև
– Փաշինյանը խոստանում է հարուստներին ունեզրկել, օրինակ` Գագիկ Ծառուկյանին, նրա առանձնատունը դարձնել ծերերի կենտրոն:
– Իսկ իր կառավարման տարիներին քանի՞ ծերերի կենտրոն է սարքել, ինչո՞վ էր զբաղված ութ տարի շարունակ: Հայտնի միջադեպի ժամանակ, երբ նա մատները մտցնում էր իմ աչքերի մեջ եւ սպառնում էր, ես այդ հարցը տվեցի, ասացի` ութ տարի շարունակ ի՞նչ էիք անում, ինչո՞վ էիք զբաղված, այ ողորմելիներ, ի՞նչ սարքեցիք էս երկրի համար` քանդելուց, հանձնելուց ու ավերելուց բացի: Իմ նպատակն այն է, որ մեր երկիրը լինի ամուր ու ապահով, հավատացեք, ինձ ուրիշ ոչ մի բան պետք չէ:
– Իսկ աշխատավայրում ամեն բան կարգի՞ն է: Էլ չե՞ն սպառնում Ձեզ:
– Նորմալ է: Թեպետ քաղաքապետն ասել է, որ չի անտեսելու իմ արարքը, սակայն այս պահին դեռ չեն հեռացնելու, տեսնենք, թե հետո ինչ են ուզում անել, չգիտեմ ոչինչ….
Հայկ ԳԵՎՈՐԳՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
