Այս պահին ԿԸՀ-ում ամփոփվում են ՀՀ ԱԺ ընտրությունների մասնակցության նախնական տվյալները։ ԿԸՀ-ում ասուլիսին հետևում է նաև Հայաստանում Եվրամիության դեսպան Վասիլիս Մարագոսը։
ԿԸՀ նախագահ Վահագն Հովակիմյանը հայտարարեց․ «ՀՀ ընտրական իրավունք ունեցող 2 միլիոն 503 հազար 976 ընտրողներից քվեարկությանը մասնակցել է 1 միլիոն 476 հազար 597 ընտրող՝ ընտրություններին մասնակցությունը 58,97 տոկոս»։ Նաև մասնակցության տվյալներ ներկայացրեց՝ ըստ մարզերի․ «Երևանում քվեարկության իրավունք ունեցող 849 հազար 488 անձանցից քվեարկությանը մասնակցել է 496 հազար 643 ընտրող կամ 58,46 տոկոս։ Արագածոտնի մարզում 113 հազար 441 քվեարկելու իրավունք ունեցող քաղաքացիներից քվեարկությանը մասնակցել է 69 հազար 993 ընտրող՝ 61,70 տոկոս, Արարատի մարզում 220 հազար 167 քվեարկելու իրավունք ունեցող քաղաքացիներից քվեարկությանը մասնակցել է 131 հազար 819-ը՝ 59,87 տոկոսը, Արմավիրում 226 հազար 337 ընտրելու իրավունք ունեցողներից քվեարկությանը մասնակցել են 126 հազար 302 ընտրողներ՝ 55,80 տոկոս, Գեղարքունիքում մասնակցության տոկոսը կազմել է 54,60 տոկոս, Լոռու մարզում՝ 58․59 տոկոս, Կոտայքի մարզում՝ 61,66 տոկոս, Շիրակում՝ 55,46 տոկոս, Սյունիքում՝ 66,67 տոկոս, Վայոց ձորում՝ 65,63 տոկոս։ Տավուշի մարզում՝ 63,40 տոկոս»։
Կարդացեք նաև
Տաթև ՀԱՐՈՒԹՅՈՒՆՅԱՆ
