ԱՆ Կախվածությունների բուժման ազգային կենտրոնի ընդհանուր հարցերով փոխտնօրեն Ռոմելլա Աբովյանը «Արմենպրես»-ում «Թմրամիջոցների օգտագործման և դրանց ապօրինի շրջանառության դեմ պայքարի» թեմայով հրավիրված ասուլիսում կարևորեց, որ ամբողջ աշխարհում առողջապահական համակարգի համար կա մեծ մարտահրավեր։ Եվ դա թմրամիջոցների գործածումն ու չարաշահումն է։
«Եվ, ցավոք սրտի, այս գործընթացում առավել շատ ներգրավված են դեռահասները և երիտասարդները։ Հայաստանի Հանրապետությունը որդեգրել է թմրամիջոցների դեմ պայքարի մեծ գործընթաց։ 2025 թվականին հաստատվել է թմրամիջոցների ապօրինի շրջանառության դեմ պայքարի ծրագիրը, որը բազմակողմանի և բազմոլորտ համագործակցություն է ենթադրում տարբեր շահագրգիռ գերատեսչությունների ներգրավմամբ։ Եվ այստեղ յուրաքանչյուր նախարարություն, յուրաքանչյուր կառույց իր լիազորությունների շրջանակներում իրականացնում է բազմակողմանի միջոցառումներ։
Ծրագիրը ենթադրում է ավելի շատ առողջապահական տեսանկյունից գործողությունների իրականացում և առավել շատ միտված է դեռահասների ու երիտասարդների շրջանում թմրամիջոցների գործածման կանխարգելմանը։
Ազգային մակարդակում գործում է միջգերատեսչական հանձնաժողով, կա խորհրդի նիստ, որտեղ ներգրավված են տարբեր նախարարություններ։ Եվ նախարարությունները համախմբված իրականացնում են թե՛ իրազեկման, թե՛ ուսուցման աշխատանքներ»,- ասաց տիկին Աբովյանը։
Կարդացեք նաև
Աշոտ ՀԱԿՈԲՅԱՆ
