«Ժողովուրդ» օրաթերթի համեմատական վերլուծությունը ցույց է տալիս, որ պաշտոնավարման ընթացքում Էդուարդ Աղաջանյանի ֆինանսական դրությունը նկատելիորեն բարելավվել է։ Ամենամեծ աճն արձանագրվել է տարեկան եկամուտների մասով․ եթե 2021 թվականին այն կազմել է 2.1 մլն դրամ, ապա 2022 թվականին՝ 9.3 մլն դրամ, 2023-2024 թվականներին կայունացել է 13.2-13.7 մլն դրամի սահմաններում, իսկ 2025 թվականին արձանագրել է թռիչքաձև աճ՝ հասնելով շուրջ 17.3 մլն դրամի։
Զուգահեռաբար, 2025 թվականի վերջին պատգամավորի բանկային հաշիվների մնացորդը հասել է իր առավելագույն ցուցանիշին՝ գրեթե 3 մլն դրամի՝ տարեսկզբի ընդամենը 6 հազար 803 դրամի դիմաց։ Փոխարենը նվազել են կանխիկ միջոցները․ 2021 թվականի 100 հազար դրամից և 2023-2024 թվականների 350 հազար դրամից հետո, 2024 թվականի վերջից կանխիկ դրամ այլևս չի հայտարարագրվել»։
Հոդվածն ամբողջությամբ՝ «Ժողովուրդ» օրաթերթի այսօրվա համարում
