«ՀՀ-ում տեղի ունեցող գործընթացները խոսում են այն մասին, որ Հայաստանը վերածվել է մի մեծ համակենտրոնացման ճամբարի։ Իշխող ուժը նպատակ ունի ընդդիմադիր հայացքներ ունեցող գործիչներին, քաղաքական գործիչներին, հասարակ մարդկանց, որոնք ընդդիմադիր հայացքներ ունեն, նրանց գրեթե բոլորին պահել վախի, ահաբեկչության մեջ, անազատությունից զրկել»,-ԲՀԿ առաջնորդ Գագիկ Ծառուկյանի հարցաքննության ընթացքում ՀՀ քննչական կոմիտեի բակում լրագրողների հետ ճեպազրույցում հայտարարեց ՀՀ ԱԺ 8-րդ գումարման պատգամավոր Գառնիկ Դանիելյանը։
Նա ահազանգեց՝ արդեն ընդդիմադիր լինելը ՀՀ-ում քրեորեն հետապնդելի է․ «Այն, ինչ տեղի ունեցավ մասնավորապես Գագիկ Ծառուկյանի հետ, ապօրինի է՝ խոշոր գործարար, բարերար, որն այս տարիներին քայքայված տնտեսության մեջ հսկայական ներդրումներ է արել։ Անձամբ ծանոթ եմ նրա լուսահոգի հոր հետ, ես էլ գյուղատնտեսության ոլորտի մարդ եմ եղել, տեսել եմ՝ ինչ հսկայական ներդրումներ են արվել։ Մարդը որոշել է զբաղվել քաղաքականությամբ, երկար տարիներ ակտիվ ընդդիմադիր կեցվածք է ունեցել, եկել է Նիկոլի ժամանակը, ինքը որոշել է՝ ով պիտի գնա կալանքի, ով պիտի նստի։ Ոչ դատախազություն կա, ոչ քննչական մարմիններ, ասում է՝ դատախազությունն էլ եմ ես, քննչական մարմինն էլ եմ ես, ԱԱԾ-ն էլ եմ ես, ես պետք է որոշեմ՝ ով նստի, որ ժամին։ ՀՀ-ում իրավապահ համակարգ գոյություն չունի, չկա անմեղության կանխավարկած»։
Քննչական կոմիտեի բակից ուղիղ եթերն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
