«Ի՞նչ կարիք կար նման հետագիծ ունեցող մարդուն այդ ձևով ձերբակալել»,- ԲՀԿ առաջնորդ Գագիկ Ծառուկյանի հարցաքննության ընթացքում Քննչական կոմիտեի բակում լրագրողների հետ զրույցում ասաց ԱԺ մանդատ ստացած «Ուժեղ Հայաստան»-ի պատգամավոր Ռուբեն Մխիթարյանը։
Ըստ նրա՝ երկրի վարչապետի աթոռը զբաղեցնող անձը հստակ ազդակ էր տվել, որ ձերբակալելու է․ «Գագիկ Ծառուկյանի ձերբակալության կադրերն արված էին քիչ զանգվածի համար, ինչ որ մեկի անձնական քմահաճույքի համար։ Լինելով իրավաբան՝ կարող եմ կողմնակից լինել նման ձևով ձերբակալելուն։ Բայց մի քանի հանգամանք պետք է հաշվի առնել։ Անձն ինչ հանցագործության մեջ է մեղադրվում, ամենակարևորը, որ եթե անձը դիմադրություն է ցույց տալիս, հակառակ գործողություններ է անում, իրավապահների՝ այդ գործառույթը կարելի է նորմալ համարվել։ Բայց երբ տեսնում ենք՝ 70 տարեկան բարերար, գործարար մարդը նման ձևով է ձերբակալվում՝ իր տան մեջ, երբ մենակ կանգնած է, դա աբսուրդի ժանրից է։ Նորմալ չէ։ Այստեղ ոչ այդքան Ծառուկյանի հարցն է, այլ այն, որ մեր ողջ իրավապահ համակարգը լծված է մարդկանց նման ձևով ձերբակալելուն»։
Քննչական կոմիտեի բակից ուղիղ եթերն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
