Հայկ Կոնջորյանի եղբոր՝ Ավետ Կոնջորյանի ծեծի դեպքով 5 անձի նկատմամբ հարուցվել է քրեական հետապնդում: Այս մասին Aravot.am-ին հայտնեցին քննչական կոմիտեից:
Մասնավորապես մեզ փոխանցեցին, որ Քրեական վարույթի շրջանակում 5 անձի նկատմամբ հարուցվել է հանրային քրեական հետապնդում՝ Քրեական օրենսգրքի 195-րդ հոդվածի 2-րդ մասի 5-րդ կետով (ֆիզիկական ներգործությունը, որը կատարվել է մի խումբ անձանց կողմից): Նրանցից 2-ի նկատմամբ որպես խափանման միջոց կիրառվել է բացակայելու արգելքը և գրավը:
Ի դեպ՝ քննչական կոմիտեից մեզ հայտնեցին, որ Ավետ Կոնջորյանի նկատմամբ չկա հարուցված քրեական հետապնդում: Հիշեցնենք, որ ըստ համացանցում տարածված տեսագրության՝ Կոնջորյանի ծեծի դեպքին նախորդել են նրա կողմից հայհոյանքներ՝ ուղղված ՔՊ-ական Նաիրի Հակոբյանի ընտանիքի անդամներին:
Արփինե ՍԻՄՈՆՅԱՆ
Կարդացեք նաև
Լուսանկարում՝ ՔՊ-ական ավագանու անդամ, «Միլոն մայնինգ» ՍՊԸ-ի փոխտնօրեն Նաիրի Հակոբյանն է
