Ֆինանսավարկային հարցերի հանձնաժողովը մեզ համար առանցքային նշանակություն ունի, քանի որ պետական բյուջեի դեֆիցիտը հասել է աղետալի 1,4 մլրդ դոլարի, և մենք պարտավոր ենք այս ծախսերը վերցնել խիստ վերահսկողության տակ։
Խորհրդարանում լրագրողների հետ զրույցում ասաց «Ուժեղ Հայաստան» խմբակցության ղեկավար Նարեկ Կարապետյանը՝ պատասխանելով հարցին՝ ի՞նչ տրամաբանությամբ ընտրեցին այն հանձնաժողովները, որոնց ղեկավարները պետք է լինեն «Ուժեղ Հայաստանից»։
Տրամաբանությունը եղել է՝ վերահսկողական ֆունկցիայի իրացումը։ Ըստ այդմ, իրենք ընտրել են ՀՀ տնտեսությանն առնչվող ոլորտային հանձնաժողովները, որպեսզի ապահովի պետական միջոցների ծախսման և մարզերում ընթացող գործընթացների նկատմամբ իրական վերահսկողություն․ «Մեր քաղաքացիները, երբ նրանց ասում են կոռուպցիայի մակարդակի նվազման մասին, պետք է տեղերում տեսնեն կոնկրետ արդյունքներ, այդ թվում՝ քաղաքային իշխանությունների կողմից գնումներ իրականացնելու ժամանակ»։
Ըստ ընդդիմադիր պատգամավորի, ՀՀ բյուջեի դեֆիցիտը 1,4 միլիարդ դոլար է կազմում, և վերահսկողության հարցը պետք է շատ խիստ լինի։
Կարդացեք նաև
«Եվրոպայի հետ հարաբերությունները պետք է ծառայեն առևտրի ընդլայնմանը մինչև ԵԱՏՄ-ի հետ համադրելի ծավալների, ինչպես նաև որակյալ ինստիտուտների տեղայնացմանը»,- ասաց Նարեկ Կարապետյանը՝ պարզաբանելով ԵՄ-ի հետ ինտեգրման հանձնաժողովի ընտրության հարցը։
Մանրամասները՝ տեսանյութում
Նելլի ԳՐԻԳՈՐՅԱՆ
