«Առհասարակ ինքնահայեցումը քաղաքական գործչի համար պարտադիր ու կարևորագույն բաղադրիչներից է։ Նորից դիտել եմ մեր երեկվա նիստերը, լսել ձեր հնչեցրած մտահոգությունները թե′ դահլիճում, թե′ դահլիճից դուրս, առնվազն դրանց տակ որոշակի լեգիտիմություն կար, և դրանից հետևություններ կարվեն»,-անդրադառնալով ԱԺ նիստի ժամանակ երեկ տեղի ունեցած միջադեպին՝ ասաց ԱԺ նախագահի տեղակալ Վահագն Ալեքսանյանը։
Դիմելով ընդդիմադիր գործընկերներին՝ ասաց․ «Նաև խնդրում եմ, որ այդ ինքնահայեցումը փոխադարձ լինի, որովհետև վստահ եմ, որ եթե դուք էլ ձեր մասով նայեք, դուք էլ ինքնահայեցման հարց կտեսնեք։ Կարծում եմ՝ աշխատանքային մեր բնականոն գործունեությունը կկարողանանք վերականգնել»։
«Ուժեղ Հայաստան» խմբակցության պատգամավոր Դավիթ Ղազինյանն էլ արձագանքեց․ «Որպեսզի ԱԺ նիստը բնականոն, ճիշտ ընթանա, և երեկվա պես միջադեպեր չլինեն, ուղղակի հորդորում եմ՝ ընդամենը նիստը կանոնակարգելու հետ կապված նախագահությունն արձագանքի, որ մեր նյարդերն էլ տեղի չտան, այս խնդիրները չլինեն»։
Կարդացեք նաև
Վահագն Ալեքսանյանն ասաց՝ Ձեր միտքն առնվազն լսելի է։
ԱԺ-ն քվորում ուներ։ Ժամը 10։10-ից մեկնարկեց 12 մշտական հանձնաժողովների նախագահների թեկնածուների ընտրությունը։ ԱԺ նիստը կշարունակվի ընտրության ավարտից հետո։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
