«Այո, գոհ եմ Սուրեն Պապիկյանի աշխատանքից։ Ձեր իշխանության թողած «նիկոնդիցիոննի» բանակով, ըստ էության՝ սպառված զինատեսակներով բանակը հիմա այնպիսին է, ինչպիսին տեսել ենք մայիսի 28-ին Հանրապետության հրապարակում»,- «Ուժեղ Հայաստան» խմբակցության պատգամավոր Անուշ Միրզոյանի հարցին՝ արդյոք Սուրեն Պապիկյանի աշխատանքից գո՞հ է այն դեպքում, երբ նա չի կարողացել փաստորեն կանխել հակաիրավական սահմանահատումը, այդ թվում՝ նրա օրոք լինում են բազմաթիվ մահեր ոչ մարտական պայմաններում, այսպես պատասխանեց ՀՀ վարչապետ Նիկոլ Փաշինյանը։
Անուշ Միրզոյանը հարցրեց․ «Եթե Սուրեն Պապիկյանը հրաժարական չի տվել, այդ դեպքում ինչո՞ւ է աշխատանքից ազատել ԱԱԾ տնօրենի տեղակալին։ Հուսով ենք՝ նաև շուտով կլսենք Ձեր հրաժարականի մասին դիմումը»։ Այս ելույթից հետո ընդդիմադիր պատգամավորները սկսեցին ծափ տալ։
Ծափ տվեց նաև Նիկոլ Փաշինյանը։ «Բրավո»,- գոչեց ԱԺ նախագահ Ռուբեն Ռուբինյանը։
Կարդացեք նաև
Նիկոլ Փաշինյանն էլ նշեց․ «Ասեմ՝ ինչու եմ ծափ տալիս։ Նախկինում, երբ հրաժարական եմ տվել, ոչ մի լավ բան չի նշանակել ընդդիմության համար»։
ԱԺ-կառավարություն հարցուպատասխանն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
