«Հայաստան» խմբակցության պատգամավոր Լևոն Քոչարյանը կարծում է, որ Նիկոլ Փաշինյանի կողմից արտահերթ ընտրությունների մասին խոսույթը միտված է իշխանության դիրքերն ամրապնդելուն և իրենց հարմար «պետական ընդդիմություն» ձևավորելուն․ այդ մասին այսօր նա ասաց խորհրդարանում՝ լրագրողների հետ ճեպազրույցում։
«Ադրբեջանը Հայաստանում ունի իր իշխանությունը, իր կառավարությունը, փաստորեն, ուզում է նաև իր ընդդիմությունն ունենալ․ ես սա այսպես եմ գնահատում։ Եթե ուզում է արտահերթ ընտրություններ ունենալ, դրա համար պետք է ինքը հրաժարական տա, երկու անգամ ԱԺ-ն չընտրի վարչապետ, որից հետո կլինեն արտահերթ ընտրություններ։ Ուզո՞ւմ է արտահերթ ընտրություններ, ուրեմն պետք է հրաժարական տա»,- ասաց Լևոն Քոչարյանը՝ հրաժարվելով գնահատել հնարավոր արտահերթ ընտրություններում ընդդիմության հնարավորությունները։
Լևոն Քոչարյանը նաև բացառում է, որ «Հայաստան» խմբակցությունը կողմ քվեարկի իշխանության կողմից բերվելիք Սահմանադրության նախագծին՝ անգամ եթե դրա գինը լինի հոր՝ ՀՀ երկրորդ նախագահ Ռոբերտ Քոչարյանի ազատությունը։
Ավելին, նա կարծում է, որ Սահմանադրության փոփոխության մանդատ ժողովուրդը ՔՊ-ին չի տվել, քանի որ նախորդ ընտրություններում իշխող ուժը 50%-ից ավելի ձայն չի հավաքել։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
