Ազատություն հրապարակում քիչ առաջ ավարտվեց բացօթյա մամուլի ասուլիսը, որը հրավիրել էր ՀՀ նախագահի ընտրություններում, ըստ ԿԸՀ տվյալների, երկրորդ տեղը՝ 36, 75 % ձայն հավաքած թեկնածու, «Ժառանգություն» կուսակցության առաջնորդ Րաֆֆի Հովհաննիսյանը:
Սակայն հավաքված զանգվածները՝ մի քանի տասնյակ հազարի չափ մարդիկ (կարծիք է հնչում անգամ, որ հավաքվել են մի քանի հարյուր հազար մարդ), ոչ մի կերպ չեն ուզում բաց թողնել Րաֆֆի Հովհաննիսյանին, չեն թողնում, որ նա հեռանա, եւ ուղեկցում են այս պահին դեպի Մատենադարան, պահանջում են նստացույց եւ շուրջօրյա հավաքներ: Հիշեցնենք, որ Րաֆֆի Հովհաննիսյանը ժողովրդին ասել էր, որ կհանդիպեն վաղը ժամը 5-ին՝ Ազատության հրապարակում:
Ոստիկանությունը վայրկյան առ վայրկյան ավելացնում է իր կազմը, արդեն իսկ հայտնվել են կարմիր բերետավորները: Ոստիկանական ուժերը բողոքող քաղաքացիներին չեն թողնում անցնեն փողոց եւ ուղղորդում են, որ քայլեն միայն մայթերով: Մարդիկ գոչում են «Սերժիկ, հեռացիր»:
Քիչ առաջ, հենց Մատենադարանի մոտ, Րաֆֆի Հովհաննիսյանը, նստելով մեքենա, հեռացավ, ժողովրդին հիշեցնելով, որ կհավաքվեն վաղը՝ ժամը 17-ին: Այս պահին կարծես թե ամեն ինչ ավարտվեց, մարդիկ ցրվում են:
Կարդացեք նաև
Հռիփսիմե ՋԵԲԵՋՅԱՆ
Ռաֆի Հովհաննիսյան, ես դիմում եմ Ձեզ, եթե դուք կարդում եք իմ գրածը, ապա խնդրում եմ Ձեզ այսպես չթողնեք այս ամենը,, հայ ժողովուրդը ցույց տվեց, որ արժանի է ավելիին
Ամոթ մեր ազգին : Մենք երբ ենք դեմոկրատական երկիր դառնալու: Երբ ենք ունենալու ազնվություն և արդարություն : Այս նույնը սերմանում ենք մանուկներին :Խոսում ենք ազնվությունից ,բայց անազնիվ ենք մեր ազգի և մեր խղճի առաջ:
մեր ազգը անազնիվ չէ, մեր կառավարությունն է անազնիվ, իսկ մեր ազգը հիասթափված է
Ճիշտ է Րաֆֆին դրսի ուժերի կոխմից է դրված ու դրանում ոչոք չի կասկածում, բայց ներկա պահին նա չարյաց փոքրագույնն է եվ ավելի ընդունելի քան Ղարաբաղյան կլանը: