Aravot.am-ը քիչ առաջ կապ հաստատեց ԼՂՀ ԱԺ ընդդիմադիր «Վերածնունդ» խմբակցության ղեկավար, «Ազգային վերածնունդ» կուսակցության նախագահ Հայկ Խանումյանի կնոջ հետ, որը մեր զրույցից րոպեներ առաջ էր այցելել ամուսնուն:
Մեզ հետ զրույցում տիկին Մովսիսյանը տեղեկացրեց, որ Հայկ Խանումյանը շարունակում է մնալ վերակենդանացման բաժանմունքում: Ամուսնու առողջական վիճակի մասին նա փոխանցեց հետևյալը. «Խմբակային հարձակման պատճառով Հայկ Խանումյանը ստացել է քթի, այտոսկրի և այլն կոտրվածքներ»:
Հիշեցնենք, որ Հայկ Խանումյանը ծեծի էր ենթարկվել այսօր` Ստեփանակերտի կենտրոնական հրապարակում:
Հարցին` ո՞ւմ են կասկածում Հայկ Խանումյանի ծեծը կազմակերպելու և իրականացնելու մեջ, և արդյոք այն կապ ունի՞ Սամվել Բաբայանի վերադարձի կապակցությամբ երեկ տեղի ունեցած իրադարձություններում Հայկ Խանումյանի մասնակցության հետ, տիկին Մովսիսյանը պատասխանեց. «Ամբողջ պատասխանատվությունն ընկնում է ԼՂՀ իշխանությունների վրա` ի դեմս Բակո Սահակյանի: Իհարկե, սա երեկվա շարունակությունն է, քանի որ իշխանությունները միայն այսպես` ուժային միջամտությամբ են կարողանում պայքարել»:
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ Դիանա Մովսիսյանի անձնական էջից:
Եթե Արցախում էլ այսպիսի՛ հանցագործ ծեծեր են տեղի ունենում, ապա ես Սփյուռքին կոչ եմ անում դադարեցնել բոլոր կապերը ԼՂՀ ներկա իշխանությունների հետ,քանի դեռ հանցագործները օրենքի ողջ ուժով պատժված չեն: Այսպիսի կրիմինալ մեթոդներ օգտագործող Արցախին ոչ ոք անկախ չի ցանկանա ճանաչել:
Շատ վաղուցվանից ծեծը դարձել է ՀՀ և Արցախի իշխանությունների կողմից «կիրառվող դաստիարակչական» միջոց: Միակ պատասխանը ծեծողներին ծեծելն է: Երբ Արադարադատություն չկա ժողովուրդը պետք է հաստատի: